Raza Musani 
اسلام آباد: مجلس وحدت مسلمین پاکستان کے زیر اہتمام قومی اسمبلی کے ممبران کے ہمراہ ایک اہم نشست کا اہتمام کیا گیا۔ جس میں ملکی و سیاسی صورتحال خصوصاََ ضلع کرم میں امن و امان کے حالات پر طویل بحث و مباحثہ کیاگیا۔
سربراہ مجلس وحدت مسلمین پاکستان سینیٹر علامہ راجہ ناصر عباس جعفری نے پارلیمنٹیرینز سے سیاسی و ملکی امن وامان کے حوالے سے چلنجز اور ان کے راہِ حل پر گفتگو کی ، جس کے بعد ایم این انجینیئر حمید حسین نے کرم کی مخدوش صورتحال پر بریفینگ دی اور سوال و جوابات کا سلسلہ بھی ہوا۔
اس اہم نشست میں ضلع کرم کی بڑھتی ہوئی بدامنی کے بارے متفقہ طور پر قومی اسمبلی میں قرارداد پیش کرنے پر اتفاق، امن معاہدے کو عملی شکل دینے اور اس پر عمل درآمد کرانےکیلئے کوششوں کو تیز کرنے پر بھی اتفاق کیا گیا۔ نشست میں 35 سے زائد ایم این ایز نے شرکت کی۔
