ایم ڈبلیو ایم کے وفد کی کور کمانڈر کوئٹہ سے ملاقات

کوئٹہ: مجلس وحدت مسلمین کے رہنماؤں پر مشتمل وفد نے زائرین کی سیکیورٹی سے متعلق کور کمانڈر کوئٹہ میجر جنرل آصف غفور سے ملاقات کی۔ تفصیلات کے مطابق مجلس وحدت مسلمین پاکستان کراچی ڈویژن کے صدر علامہ محمد صادق جعفری کی سربراہی میں مرکزی سیکریٹری تنظیم علامہ مقصود علی ڈومکی، ایم ڈبلیو ایم بلوچستان کے صدر علامہ سید ظفر عباس شمسی، ایم ڈبلیو ایم کوئٹہ کے صدر ارباب لیاقت علی ہزارہ، عزاداری ونگ کراچی ڈویژن کے صدر سید رضی حیدر رضوی اور دیگر رہنماؤں نے کور کمانڈر ہاؤس کوئٹہ میں کور کمانڈر میجر جنرل آصف غفور سے ملاقات کی۔ اس موقع پر انہوں نے کوئٹہ بلوچستان کی امن و امان کی صورتحال بلخصوص کوئٹہ سے تفتان بارڈر تک زائرین کے لئے سیکیورٹی کے فل پروف انتظامات پر بات چیت کی۔ کور کمانڈر کوئٹہ نے اپنی جانب سے تعاون کی یقین دہانی کرائی۔ ملاقات میں پاک فوج کے دیگر افسران بھی موجود تھے۔