Raza Musani 
رام اللہ : فلسطینی حکومت نے کہا ہے کہ برطانوی سفارتخانہ یروشلم منتقل کرنے کا ممکنہ اقدام مقدس شہر پر اسرائیلی قبضے کو تسلیم کرنے کے مترادف ہوگا۔فلسطینی وزارت خارجہ نے کہا ہے کہ مقبوضہ بیت المقدس کی خصوصی حیثیت کا احترام فلسطینی عوام کے عالمی سطح پر تسلیم شدہ حقوق کا لازمی حصہ ہے۔ سفارتخانہ منتقل کرنا جبری نقل مکانی۔ مسماری اور مقدس مقامات پر کنٹرول کے جنگی جرائم کو قانونی حیثیت دینے کے مترادف ہے۔ فلسطین یروشلم اور اس کی حیثیت کے تحفظ کو یقینی بنانے کے لیے تمام دستیاب قانونی، سفارتی اور سیاسی اقدامات کی پیروی کرے گا۔ فلسطین کا یہ بیان برطانوی وزیراعظم کے اس بیان کے بعد سامنے آیا جس میں انہوں نے کہا تھا کہ وہ سفارت خانہ مقبوضہ شہر القدس منتقل کرنے پرغور کررہی ہیں۔
