افغانستان میں 20 سے زیادہ انتہا پسند تنظیمیں متحرک ہیں، روس

ماسکو: روس نے دعویٰ کیا ہے کہ افغانستان میں بیس سے زیادہ انتہا پسند تنظیمیں متحرک ہیں جن میں 15 ہزار سے زائد جنگجو شامل ہیں۔ روسی وزیر دفاع آندرے بیلوسوف نے قرغزستان میں سلامتی سے متعلق اجلاس سے خطاب میں کہاکہ افغانستان میں سرگرم انتہا پسند گروہ خطے میں سب سے بڑا دہشت گردی کا خطرہ ہیں۔ ان گروہوں کے ارکان میں غیر ملکی جنگجو بھی شامل ہیں۔ جن میں بعض کا تعلق اُن تنظیموں سے ہے جو ماضی میں مشرقِ وسطیٰ میں سرگرم تھیں۔ انہوں نے خبردارکیا ہےکہ ان گروہوں کے ارکان ہمسایہ ممالک میں داخل ہوسکتے ہیں اوران کا خطرہ اس سے بھی آگے تک پھیل سکتا ہے۔ روسی وزیر دفاع کا کہنا تھا کہ یہ خطہ مختلف چیلنجز اور خطرات کا سامنا کر رہا ہے، جو مسلسل بڑھ رہے ہیں اور رکن ممالک کی سلامتی کے لیے سنگین خطرہ بن چکے ہیں۔