صیہونی فوج کے وحشیانہ حملے، 24 گھنٹوں میں 100 سے زائد فلسطینی شہید

غزہ: صیہونی فوج نے ایک بار پھر غزہ میں قیامت برپاکردی۔ چوبیس گھنٹوں میں وحشیانہ حملے کرکے سو سے زائد فلسطینی شہید اور چار سو سے زائد زخمی کردئے۔ صیہونی جنگی طیاروں نے جبالیہ۔ دیرالبلاح اور خان یونس سمیت مختلف علاقوں میں رہائشی مقامات اور عمارتوں پر بما برسائے جبکہ کئی مقامات پر ڈرونز سے نہتے فلسطینیوں کو نشانہ بنایا گیا۔ سب سے زیادہ شہادتیں خان یونس اور غزہ سٹی میں ہوئیں۔
ادھر امریکی و اسرائیلی حمایت یافتہ امدادی تنظیم غزہ ہیومینٹیرین فاؤنڈیشن ۔جی ایچ ایف نے آج بھی اپنے امدادی مراکز بند رکھنے کا اعلان کیا ہے۔ قحط کا شکار غزہ میں صورتحال المناک صورتحال اختیار کرچکی ہے جبکہ عالمی برادری بیانات سے بڑھ کر کچھ بھی کرنے سے قاصر ہے۔