حزب اللہ کے اسرائیلی تنصیبات پر میزائل حملے، دشمن کو بھاری جانی اور مالی نقصان

بیروت : حزب اللہ نے مقبوضہ فلسطین کی شمالی سرحدوں پر صیہونی فوجی اڈوں پر شدید حملے کئے ہیں۔ حزب اللہ نے رات گئے لبنانی سرحد کے نزدیک واقع تین صیہونی فوجی اڈوں پر میزائل اور راکٹوں سے حملہ کیا۔ الراہب میں واقع فوجی اڈے پر انتہائی نزدیک سے حملہ کیا اور دشمن پر کاری ضرب لگائی ہے۔ حزب اللہ کے بیان میں کہا گیا ہے کہ دوسرا حملہ آویوم اڈے پر کیا گیا جس میں دشمن کو بھاری جانی اور مالی نقصان پہنچا ہے۔ جوانوں نے صیہونی قصبے مرگلیوت پر 6 میزائل بھی داغے ہیں۔ تیسرا حملہ ہونین قصبے میں موجود اڈے پر کیا گیا جہاں صیہونی فوجی جمع تھے۔ مجاہدین نے غاصب صیہونیوں پر حملہ کرکے کئی فوجیوں کو ہلاک اور متعدد کو زخمی کردیا ہے۔