لاکھوں فلسطینی مہاجرین بار بار بےگھر ہو رہے ہیں، انروا

جنیوا : اقوام متحدہ کے ادارے انروا نے کہا ہے کہ لاکھوں فلسطینی مہاجرین بار بار بے گھر ہونے کا سامنا کر رہے ہیں۔ فوری جنگ بندی اور انسانی امداد تک محفوظ رسائی کی ضرورت ہے۔انروا نے ایک بیان میں کہا ہے کہ لاکھوں فلسطینی مہاجرین بار بار بے گھر ہو رہے ہیں۔ انہیں بہت بڑی ذاتی قیمت اور قربانیوں کے ساتھ اپنے گھروں کو ترک کرنے پر مجبور ہونا پڑتا ہے۔ جبکہ بنیادی ضروریات جیسے خوراک، پانی اور حفاظت تک رسائی بھی محدود ہے۔انروا نے فوری جنگ بندی اور انسانی امداد تک محفوظ رسائی کی ضرورت پر زور دیا اور کہا کہ صورتحال انتہائی نازک ہے، جس کے لیے عالمی برادری کو فوری اقدامات کرنے کی ضرورت ہے تاکہ فلسطینی مہاجرین کی زندگیوں اور بنیادی حقوق کا تحفظ ممکن بنایا جا سکے۔