Raza Musani 
لاہور: لاہور کی انسداد دہشت گردی عدالت نے پی ٹی آئی رہنما شاہ محمود قریشی کو 9 مئی کے ایک اور مقدمے میں بری کردیا۔ جبکہ ڈاکٹر یاسمین راشد اور میاں محمود الرشید کو دس دس سال قید کی سزا سنا دی۔ لاہور کی انسداد دہشت گردی عدالت نے نو مئی کو مال روڈ پر سپریم کورٹ کے جج کے اسکواڈ کی گاڑی جلانے کے کیس کا فیصلہ سنا دیا۔ عدالت نے تحریک انصاف کے رہنما شاہ محمود قریشی کو بری کر دیا جبکہ ڈاکٹر یاسمین راشد، اعجاز چوہدری کو دس دس سال قید کی سزا سنا دی۔ اس کے علاوہ عدالت نے میاں محمود الرشید اور عمر سرفراز چیمہ کو بھی دس دس سال قید جبکہ خدیجہ شاہ کو پاچ سال قید کی سزا سنائی۔ عدالت نے روبینہ جمیل اور افشاں طارق کو کیس میں بری کردیا۔
