Raza Musani 
بغداد: عراقی وزیراعظم محمد شیاع السودانی نے کہا ہے کہ کرکوک میں فتنہ انگیز عناصر کے خلاف قانونی کارروائی کی جائے گی۔ شیاع السودانی نے صوبے کرکوک کے نمائندوں سے گفتگو میں کرکوک میں امن و امان کی صورت حال کے بارے میں تبادلہ خیال کیا۔ انھوں نے زور دیا کہ کرکوک میں سیکیورٹی فورس اس صوبے کے عوام اور ان کے حقوق کی حمایت جاری رکھتے ہوئے امن و امان کے قیام میں اپنا کردار ادا کرتی رہے گی۔ اس سے قبل ہفتے کو عراق کے صدر عبداللطیف جمال رشید نے بھی مرکزی حکومت اور سیکیورٹی فورس سے کہا تھا کہ وہ کرکوک کی صورت حال کنٹرول کرنے اور امن کے تحفظ نیز قانون کی بالادستی کے لئے اس طرح سے مداخلت کرے کہ منصفانہ امن کا تحفظ کیا جا سکے۔ واضح رہے کہ کرکوک کی صورت حال ان دنوں بحرانی بنی ہوئی ہے جس سے اس صوبے میں سیاسی و سماجی مسائل پیدا ہو گئے ہیں۔
