امریکا پر بھروسہ کرنے والے افغانستان سے سبق حاصل کریں، سید حسن نصراللہ

بیروت : حزب اللہ کے سربراہ سید حسن نصراللہ نے امریکا پر بھروسہ کرنے والوں کو افغانستان کی صورتحال سے سبق حاصل کرنے کا مشورہ دیا ہے، مجلس عزا سے خطاب میں حسن نصراللہ کا کہنا تھا کہ اگر امریکا اور طالبان کےدرمیان خفیہ معاہدے کی بات صحیح ہے تو اس کا واضح مطلب یہ ہے کہ واشنگٹن نے ایک بار پھر اپنے دوستوں کو دھوکا دیا، انہوں نے کہا کہ لبنان میں جس جس نے امریکاسے امیدیں وابستہ کر رکھی ہیں اسے افغانستان کی صورتحال اپنے سامنے رکھنا چاہیے کہ امریکیوں نے کس طرح افغانیوں کو بھوکا پیاسا اور آوارہ کرکے ان کے حال پر چھوڑ دیا ہے، انہوں نے امریکا کو لبنان اور خطے کی بدامنی کا اصل ذمہ دار قرار دیتے ہوئے کہا کہ ، امریکی سفارت خانہ لبنان میں بدامنی پھیلا رہا ہے، حالات خراب کرنے کی ہدایت امریکی سفارت خانے سے جاری کی جارہی ہیں، آج جو کچھ لبنان میں ہورہا ہے بالکل وہی عراق میں ہورہا ہے کیونکہ ایک ہی کنٹرول روم سے دونوں ملکوں میں حالات خراب کرنے کی کوشش کی جارہی ہے۔