Raza Musani 
مناما : بحرینی عوام نے سیاسی قیدیوں اور حکومت مخالفین کی آزادی کے لیے سوشل میڈیا مہم کا آغاز کر دیا ہے۔ ٹوئٹر پر بحرینی قیدیوں کو آزاد کرو کے ہیش ٹیگ کے ساتھ چلائی جانیوالی مہم میں اسیروں سے مکمل یکجہتی کا اعلان کیا گیا ہے۔ مہم میں واضح کیا گیا ہے کہ عمر قید کی سزا پانے والے سیاسی قیدی ڈاکٹر عبد الجلیل السنکیس کی بھوک ہڑتال 429 ویں دن میں داخل ہو گئی ہے۔ ایک ٹوئٹ میں بتایا گیا ہے کہ گزشتہ ماہ اپنے سیل سے نکال کر نامعلوم مقام پر منتقل کیے گئے 15سیاسی قیدیوں کی صورتحال کے بارے میں کوئی اطلاع نہیں ہے اور جیل حکام اس بارے میں کچھ بتانے کو تیار نہیں ہیں۔ بحرینی عوام آزادی، انصاف اور جمہوریت پر مبنی حکومت کے خواہاں ہیں تاہم آل خلیفہ نے عوامی تحریک کو ختم اور عوام کے مطالبات کو دبانے کے لئے اس ملک کے سینکڑوں شہریوں کو شہید اور ہزاروں دیگر کو زخمی اور قید کر رکھا ہے۔
