ضلع کرم میں بڑے پیمانے پر سانحات جنم لے سکتے ہیں، شازیہ مری

اسلام آباد: مرکزی ترجمان پاکستان پیپلز پارٹی شازیہ مری نے کہا ہے کہ کرم ایجنسی غذا اور ادویات کی قلت کی وجہ سے معصوم بچوں کی اموات افسوسناک ہے۔ ادویات اور سرجیکل آلات نہ ہونے سے بچوں کے علاوہ کئی لوگ اپنی جانوں سے ہاتھ دھو بیٹھے ہیں۔ کرم ایجنسی راستوں کی بندش سے مقامی آبادی کو ادویات اور خوراک کی شدید قلت کا سامنا ہے، شازیہ مری نے کہا کہ مرکزی شاہراہیں کھول کر انہیں محفوظ نہ بنایا گیا تو خطے میں بڑے پیمانے پر سانحات جنم لے سکتے ہیں۔ غذائی بحران اور راستوں کی بندش نے انسانی المیہ پیدا کیا۔ اس دردناک صورتحال میں کسی کے سر میں جو تک نہیں رینگی۔