Raza Musani 
عمان : اردن نے اسرائیل کے ساتھ تمام معاہدوں پر نظرثانی کا فیصلہ کرلیا۔ اردنی پارلیمنٹ نے اسرائیلی جارحیت کی روشنی میں اسرائیل کے ساتھ تمام معاہدوں پر نظرثانی کرنے پر اتفاق کیا۔ اور ایوان کی قانونی کمیٹی کو نظرثانی اور ضروری سفارشات مرتب کرکے حکومت کو پیش کرنے کی ہدایت کردی۔ اسپیکر احمد الصفدی نے قانونی کمیٹی کو ہدایت کی کہ غزہ میں نسل کشی اور جنگی جرائم پر اسرائیلی حکام کے احتساب کے لیے ضروری کارروائی کی جائے ۔ کمیٹی سرکاری چینلز کے ذریعے بین الاقوامی فوجداری عدالت کے سامنے شکایت درج کرانے کا فریم ورک تیار کرے۔ اہم معاہدات جن پر پارلیمنٹ نظرثانی کے تابع ہے ان میں 1994 کا اردن-اسرائیل امن معاہدہ، 2016 میں گیس فراہمی کا معاہدہ اور پانی اور توانائی کے شعبوں میں دیگر معاہدے شامل ہیں۔
