شامی اور روسی فوج کا مشترکہ آپریشن، 111 دہشتگرد ہلاک

دمشق: شامی اور روسی افواج کی شام کے صوبے حلب میں مشترکہ کارروائی کے دوران 111 دہشت گرد ہلاک اور 80 سے زائد زخمی ہوگئے۔
شام کی وزارت دفاع کے مطابق روسی فضائیہ کے تعاون سے حلب میں بھرپور کارروائی کی گئی۔ مضافاتی علاقوں میں غیر ملکی دہشت گردوں کے ٹھکانوں کو نشانہ بنایا گیا۔ یہ کارروائی عسکریت پسندوں کی مسلسل خلاف ورزیوں کے جواب میں کی گئیں۔ دہشت گردوں کے گڑھ، آپریشن رومز اور گوداموں کو تباہ کر دیا گیا۔ وزارت دفاع کے مطابق آپریشن میں مختلف قسم کی فائر پاور، جیسے توپ خانے اور متعدد میزائل سسٹم کا استعمال کیاگیا۔ آپریشن سے دہشت گردوں کی صلاحیتوں کو مؤثر طریقے سے نقصان پہنچایا گیاہے۔ مارے گئے دہشت گردوں میں بیشتر انصار التوحید کے ارکان ہیں۔