Raza Musani 
لاہور : وفاق المدارس الشیعہ پاکستان کے سیکریٹری جنرل علامہ محمد افضل حیدری نے کہا ہے کہ سوشل میڈیا کا ناجائز استعمال روکنا ضروری ہوگیا ہے، جس انداز سے سوشل میڈیا کا منفی استعمال ہو رہا ہے، اس سے معاشرتی زبوں حالی کو سمجھنا مشکل نہیں، ملک میں بے ہودہ مغربی اقدار کے فروغ کی اجازت نہیں دی جا سکتی، حکومت، ریاست اور دانشور طبقہ کو سوچنا ہوگا کہ ہمارا معاشرہ کس طرف جا رہا ہے؟ انہوں نے کہا کہ پاکستان اسلامی ملک ہے، یہاں اسلامی اقدار کا تحفظ اور ملکی قوانین پر عملدرآمد ہونا چاہئے حوزہ علمیہ جامعتہ المنتظر لاہور میں علماء کے وفود سے گفتگو میں گریٹر اقبال پارک میں یوم آزادی کے موقع پر ہونیوالے واقعہ کی مذمت کی علامہ محمد افضل حیدری نے اس شرمناک واقعہ کو معاشرتی بے راہروی کی منہ بولتی تصویر قرار دیا۔
