اسرائیل کا فلسطینیوں کو مصری سرحد کی جانب دھکیلنے کا منصوبہ

اسرائیل نے فلسطینیوں کو بتدریج مصری سرحد کی جانب دھکیلنے کا منصوبہ بنا لیا۔ اسرائیلی وزیرِاعظم نتین یاہو کے بیان میں عندیہ دیا گیا ہے کہ فلسطینی "رضا کارانہ” طور پر غزہ سے باہر جا سکیں گے۔ اس صورتِ حال پر تبصرہ کرتے ہوئے فلسطینی وزارتِ خارجہ کی جانب سے کہا گیا ہے کہ منصوبہ اسرائیلی قتلِ عام کا اصل محرک ہے۔ حماس نے اس پر ردِعمل کا اظہار کرتے ہوئے کہا ہے کہ اسرائیلی وزیرِاعظم نیتن یاہو مضحکہ خیز خواب فروخت کرنے کی کوشش کر رہے ہیں۔
حماس میڈیا سیل کے مطابق غزہ سٹی میں اب تک اسرائیل کی وحشیانہ اور جنگی جرائم پر مبنی زمینی اور فضائی جارحیت کے نتیجے میں 20 ہزار 674 فلسطینی شہید ہوچکے ہیں جبکہ 54 ہزار 536 فلسطینی زخمی ہیں۔ اسرائیلی حملوں میں طبی عملے کے 311 افراد اور 103 صحافی شہید ہوگئے، غزہ میں 7 ہزار افراد ملبے تلے دبے ہوئے ہیں۔ اسرائیل کے حملوں میں 115 مساجد شہید ہوئیں، 65 ہزار گھر مکمل تباہ اور 3 لاکھ گھروں کو جزوی نقصان پہنچا ہے۔ اسرائیلی فوج کے حملوں میں 3 چرچ، 23 اسپتال، 200 ہیلتھ سینٹرز اور کلینک تباہ ہوئے ہیں۔