Raza Musani 
تل ابیب : صیہونی وزیردفاع گیلنٹ نے امریکی ہم منصب لائیڈ آسٹن سے ملاقات کے بعد کہا کہ اسرائیل حماس کے بنیادی ڈھانچے کو تباہ کر رہا ہے اور اس کی قیادت کو مٹا رہا ہے۔ ہم اس وقت تک جنگ جاری رکھیں گے جب تک کہ اپنے مقاصد کو مکمل طور پر حاصل نہیں کر لیتے۔ اسرائیلی وزیر دفاع نے دعویٰ کیا کہ اسرائیل کی فتح امریکہ کی قیادت میں آزاد دنیا کی فتح ہوگی۔ لائیڈ آسٹن نے جنگ بندی کی بات کرنے کے بجائے اسرائیلی جارحیت کی مکمل حمایت کی اور کہاکہ امریکا کی حمایت ثابت قدم اور غیر متزلزل ہے۔ ہم اسرائیل کے لیے ایک محفوظ، زیادہ محفوظ مستقبل اور فلسطینیوں کے روشن مستقبل کے لیے مل کر کام کرتے رہیں گے۔
