اسرائیل کے شمالی، وسطی اور جنوبی غزہ پر مسلسل حملے، 500 سے زائد شہادتیں

غزہ : اسرائیل نے عالمی دباؤ کو پھر مسترد کردیا۔ جنوبی غزہ میں اسرائیلی فضائی حملوں میں مزید پانچ سو سے زائد فلسطینیوں کو شہید کردیا. اسرائیلی فوج نے خان یونس ، جبالیہ اور جنوبی غزہ میں زمینی کے ساتھ فضائی حملوں کی تعداد بڑھادی ہے۔ شمالی، وسطی اور جنوبی غزہ میں مسلسل حملوں کے بعد زیادہ تر علاقے ملبے کا ڈھیر بن چکے ہیں۔ اسرائیل نے محفوظ قرار دیئے گئے علاقوں پر بھی بمباری کی ہے جس سے شہادتیں بہت تیزی سے بڑھی ہیں۔
فلسطینی وزارت صحت کے مطابق شہادتیں اٹھارہ ہزار پانچ سو سے بڑھ چکی ہیں۔ شہر میں طبی سہولیات اور خوراک کی کمی سے بھی اموات بڑھ رہی ہیں۔ غزہ میں قحط کی صورتحال ہے۔ اگر فوری امدادی سامان نہ پہنچایا گیا تو اموات ہزاروں سے بڑھ کر لاکھوں تک ہوسکتی ہیں۔