Raza Musani 
تل ابیب : اسرائیلی وزیراعظم بنیامین نیتن یاہو نے ایران پر دوبارہ حملے کا منصوبہ بنالیا۔ امریکی صدر ٹرمپ سے ملاقات میں حملے کے آپشنز سے آگاہ کریں گے۔
امریکی نیٹ ورک این بی سی نیوزکے مطابق اسرائیلی وزیراعظم رواں ماہ کے آخر میں فلوریڈا میں امریکی صدر ڈونلڈ ٹرمپ سے ملاقات کرنے والے ہیں۔ جہاں وہ ٹرمپ کو قائل کرنے کی کوشش کریں گے کہ ایرانی میزائل پروگرام کا پھیلاؤ ایک خطرہ ہے جس کے لیے فوری کارروائی کی ضرورت ہے۔ نیتن یاہو صدر ٹرمپ پر زور دیں گے کہ ایران کے خلاف نئی عسکری کارروائی کی منظوری دی جائے۔ نیتن یاہو کا مؤقف ہے کہ ایران میزائل تیاری کے مراکز، فضائی دفاعی نظام اور علاقائی اتحاد دوبارہ مضبوط کر رہا ہے۔ ایران اُن جوہری افزودگی مراکز کی بھی مرمت کر رہا ہے جنہیں پہلے نشانہ بنایا گیا تھا۔ تاہم امریکی حکام کے تجزیے اس معاملے پر مکمل طور پر متفق نہیں ہیں۔
