Raza Musani 
لندن : فارن پالیسی میگزین نے اپنی رپورٹ میں کہا ہے کہ اسرائیل کے مسائل صرف وزیر اعظم نیتن یاہو کی پالیسیوں تک محدود نہیں بلکہ ان کی جڑیں اسرائیلی معاشرے کی سوچ، عوامی رجحانات اور سیاسی ثقافت میں پیوست ہیں۔
میگزین کے مطابق یہ کہنا آسان ہے کہ موجودہ بحران کا ذمہ دار صرف نیتن یاہو ہے، مگر حقیقت یہ ہے کہ زیادہ تر اسرائیلی عوام انہی پالیسیوں کی حمایت کرتے ہیں جو نیتن یاہو اپناتے ہیں۔ تازہ ترین سروے کے مطابق 88 فیصد اسرائیلی یہودی فلسطینی اموات کو جواز شدہ قرار دیتے ہیں، اور اکثریت سمجھتی ہے کہ فوجی طاقت کا استعمال مناسب یا کم ہے۔ رپورٹ میں یہ بھی کہا گیا کہ اسرائیل کی بڑی سیاسی جماعتیں فلسطینی ریاست کے قیام کی مخالفت کرتی ہیں اور عوامی سطح پر بھی دو ریاستی حل کی حمایت کمزور ہوچکی ہے۔
