غاصب اسرائیلی فوج کی بھوکے متاثرین پر فائرنگ، 31 فلسطینی شہید، 100 سے زائد زخمی

غزہ : غاصب صیہونی فوج نے بھوکے متاثرین پر اندھنا دھند گولیاں چلا کر اکتیس کو شہید اور سو سے زائد کو زخمی کردیا۔ رات سے جاری حملوں میں خواتین اور بچوں سمیت مزید تیس فلسطینی شہید کردئے گئے۔ صیہونی فوج نے رفح میں قائم غزہ ہیومینٹرین فاؤنڈیشن کے کیمپ کی طرف جانیوالے ہجوم پر فائرنگ کردی جس سے تیس فلسطینی شہید اور ایک سو بیس زخمی ہوگئے۔ نیٹزارم کوریڈور کے قریب بھی فائرنگ کرکے ایک فلسطینی کو شہید اور دوسرے کو زخمی کردیا گیا۔ چار دنوں میں صیہونی فوج چھیالیس متاثرین کو شہید کرچکی ہے۔
ادھر صیہونی فوج نے غزہ سٹی۔خان یونس ۔ جبالیہ اور بیت لاہیہ میں مکانات اور خیموں پر وحشیانہ حملے کرکے چند گھنٹوں میں تیس فلسطینی شہید اور درجنوں زخمی کردئے۔