Raza Musani 
جدہ : اسلامی تعاون تنظیم (او آئی سی) نے صیہونی وزیر اتمار بن گویر اور آبادکاروں کے مسجد اقصیٰ پر حملے کی شدید مذمت کی ہے۔ اور کہاہے کہ اسرائیلی اقدام مسجد اقصیٰ کی تاریخی اور قانونی حیثیت کو تبدیل کرنے کی کوششوں کا حصہ ہے۔
او آئی سی نے ایک بیان میں اسرائیلی قابض حکومت کو مسجد اقصیٰ پر منظم حملوں کے جاری رہنے کے نتائج کا مکمل طور پر ذمہ دار ٹھہرایا ہے۔ بیان میں کہا گیا ہے کہ بیت المقدس کی بار بار بے حرمتی پر دنیا بھر کے مسلمانوں کے جذبات مشتعل ہیں اور خطے میں سلامتی اور استحکام کو خطرہ ہے۔ او آئی سی نے عالمی برادری سے بھی مطالبہ کیا کہ وہ ان سنگین خلاف ورزیوں کو ختم کرنے اور مقبوضہ القدس میں اسلامی اور عیسائی مقدس مقامات کی تاریخی اور قانونی حیثیت کو برقرار رکھنے کے لیے اپنی ذمہ داریاں ادا کرے۔
