Raza Musani 
غزہ: بچوں کی فلاح کے لئے کام کرنے والے اقوام متحدہ کے ادارے یونیسیف کے ترجمان جیمز ایلڈر نے غزہ پر اسرائیلی بمباری کو بچوں کے خلاف چھیڑی گئی جنگ قرار دیا ہے۔ جیمزایلڈر نے غزہ کےاسپتال میں ریکارڈ کئے گئے ویڈیو پیغام میں کہا کہ غزہ میں صحت کا نظام بری طرح متاثر ہوا ہے۔۔ل انہوں نے کہا کہ بااثر لوگوں کی خاموشی بچوں کا قتل عام ہونے دے رہی ہے۔ یہ غزہ کا سب سے بڑا اسپتال ہے جو اب بھی کام کررہا ہے مگر اب جنگ میں زخمی ہونے والے مزید بچوں کو نہیں لے سکتا۔ انہوں نے کہا کہ اب ہم جنگ میں زخمی ہونے والوں اور بچوں کا علاج نہیں کر سکتے جن کے جسم جلے ہوئے ہیں۔ گولیوں سے چھلنی ہیں اور ہڈیاں ٹوٹی ہوئی ہیں۔ یہ بچوں کے خلاف چھیڑی گئی جنگ ہے۔
