شام پر اسرائیلی حملے امن اور سلامتی کےلیے بڑا خطرہ ہیں، ایران

تہران : ایران۔ سعودی عرب اور ترکیہ نے شام پر اسرائیلی حملوں کو خطے کو عدام استحکام سے دوچار کرنے کی کوشش قرار دیاہے۔
ایرانی وزارت خارجہ کے ترجمان اسماعیل بقائی نے کہا ہےکہ شام پر اسرائیلی حملے بین الاقوامی امن اور سلامتی کےلیے بڑا خطرہ ہیں۔ انہوں نے کہاکہ غزہ میں اسرائیل کی جاری نسل کشی اور جرائم کے خلاف عدم فعالیت نے پورے خطے میں تل ابیب کی جارحیت کو مزید تقویت دی ہے۔ انہوں نے اسلامی تعاون تنظیم اور اقوام متحدہ سے مطالبہ کیا کہ وہ اس بڑھتے ہوئے خطرے کا فوری اور مؤثر جواب دیں۔ ترک وزیر خارجہ ہاکان فیدان نے اسرائیل پر زور دیا ہے کہ وہ اپنی عدم استحکام کی پالیسیاں ترک کرے۔ جب خطے میں امن و استحکام کا فقدان ہو تو کسی کی سلامتی کو یقینی نہیں بنایا جا سکتا۔ انہوں نے کہا کہ اسرائیلی اقدامات سب کو آگ میں گھسیٹ رہے ہیں۔ بین الاقوامی برادری کو انتہائی حساسیت کے ساتھ کام کرنا چاہیے اور اسرائیل کو باز رکھنا چاہئے۔ ورنہ خطے کو ناپسندیدہ نتائج کا سامنا کرنا پڑے گا۔
سعودی وزیر خارجہ فیصل بن فرحان نے عالمی برادری سے شام کے ساتھ کھڑا ہونے اور اسرائیلی حملوں اور خلاف ورزیوں کا مقابلہ کرنے کا مطالبہ کیا۔