Raza Musani 
غزہ: صیہونی فوجیوں نے آج صبح ایک بار پھر امدادی مرکز پرجمع بھوکے پیاسے متاثرین پر براہ راست گولیاں برسادیں۔ فائرنگ سے چودہ فلسطینی شہید اور درجنوں زخمی ہوگئے۔صیہونی فوجیوں نے رفح میں امداد کے حصول کیلئے موجود متاثرین کو نشانہ بنایا۔ فائرنگ سے زخمی کئی فلسطینیوں کی حالت تشویشناک ہے۔
اس سے پہلے جنگی طیاروں نے غزہ سٹی میں خیمہ بستی پر بمباری کی جس کے نتیجے میں سات فلسطینی شہید اور درجنوں زخمی ہو گئے۔ جبالیہ میں ایک مکان پر حملے میں خواتین اور بچوں سمیت نو فلسطینی شہید ہوگئے۔
المواسی میں بھی بے گھر خاندانوں کے خیموں کو نشانہ بنایا گیا جس کے نتیجے میں تین خواتین اور ایک بچے سمیت پانچ شہری شہید اور 20 سے زائد زخمی ہو گئے۔ خان یونس ۔ غزہ سٹی اور جبالیہ میں بھی حملے کرکے کئی فلسطینی شہید کردئے۔ چوبیس گھنٹوں میں شہدا کی تعداد اکاون ہوگئی۔
