Raza Musani 
غزہ : صیہونی فوج غزہ سٹی میں کافی اندر تک داخل ہوگئی ہے۔ شہر پر بمباری اور گولہ باری میں چوبیس گھنٹوں کے دوران اکیاسی فلسطینی شہید اور تین سو بیس زخمی کردئےگئے۔ صیہونی فوج نے غزہ سٹی پر شدید حملے کئے ہیں۔
غزہ سٹی کے مضافات میں دو خیموں پر بمباری سے سات فلسطینی شہید ہوگئے۔ دیر البلاح پر حملے میں پانچ فلسطینی کردئے گئے۔
صیہونی فوج ٹینکوں اور بکتربند گاڑیوں کے ساتھ صابرہ کےعلاقے میں پیش قدمی کررہی ہے۔ جہاں شدید گولہ باری کی گئی ہے۔صیہونی فوج نے آج صبح بھی شیخ رضوان محلے میں مختلف مقامات کو فضائی اور زمینی حملوں کانشانہ بنایا۔جس میں قیمتی جانیں ضائع ہوئیں۔
خان یونس میں بھی اسرائیلی ڈرون نے بعض خیموں پر میزائل داغے۔صیہونی فوجیوں نے غزہ سٹی کے قریب امداد کے متلاشیوں پر بھی حملے کئے جس میں بائیس افراد شہید ہوگئے ادھر بھوک کی شدت سے مزید آٹھ فلسطینی دم توڑ گئے۔ جس سے شہدا کی مجموعی تعداد ایک سو پندرہ بچوں سمیت دو سو نواسی ہوگئی۔
