Raza Musani 
غزہ : صیہونی فوج نے غزہ سٹی سے لوگوں کی بیدخلی کیلئے شدید حملے کئے ہیں۔ چوبیس گھنٹوں کے دوران کئے گئے حملوں میں خواتین اور بچوں سمیت مزید ستاون فلسطینی شہید اور درجنوں زخمی کردئے۔
صیہونی فوج نے غزہ سٹی پر رات بھر حملے جاری رکھے اور خیموں اور مکانات کو بمباری کا نشانہ بنایا۔ بمباری کے نتیجے میں خواتین اور بچوں سمیت ستائیس افراد شہید اور درجنوں زخمی ہوگئے۔ دیرالبلاح میں مکان پر حملے میں پانچ فلسطینی شہید کردئے گئے۔ البریج کیمپ پر حملے میں گیارہ افراد جان سے گئے۔ رفح میں بھی خیموں کو نشانہ بنایا گیا جس میں پانچ افراد شہید ہوگئے۔
مختلف مقامات پر امداد کے متلاشیوں پر فائرنگ کرکے بائیس کو شہید کردیا گیا۔ دوسری جانب فاقہ کشی کی وجہ سے تین فلسطینی دم توڑ گئے۔
