Raza Musani 
غزہ : صیہونی فوج نے شدید گولہ باری اور فضائی حملوں کے درمیان غزہ سٹی میں مزید پیشقدمی کی ہے۔ صیہونی حملوں میں خواتین اور بچوں سمیت اڑتالیس فلسطینی شہید اور سو سے زائد زخمی ہوگئے۔
دیر البلاح میں ایک مکان پر بمباری سے چھ شہری شہید اور دیگر زخمی ہوگئے۔ الشفاء میڈیکل کمپلیکس کے قریب حملے سے کئی فلسطینی شہید اور زخمی ہوئے۔ محفوظ قرار دئے گئے المواصی میں بمباری سے حاملہ خاتون سمیت سات فلسطینی جان سے گئے۔ صابرہ میں بھی مکانات اور خیموں کو حملے کا نشانہ بنایا گیا.
اسرائیلی جنگی طیارے غزہ سٹی کے مغربی علاقوں میں مسلسل فضائی حملے کر رہے ہیں۔جہاں کئی مکانات اور عمارتیں تباہ ہونے سے لوگوں کی بڑی تعداد ملبے تلے دب گئی ہے۔ اسرائیلی ڈرونز نے نصیرات اور خان یونس میں بعض خیموں کو نشانہ بنایا جس سے شہادتیں ہوئی ہیں۔
