Raza Musani 
نیویارک : اقوام متحدہ میں شام کے مستقل مندوب بسام صباغ نے کہا ہے کہ شام پر صیہونی حکومت کی مسلسل جارحیت اور ہماری سرزمین پر امریکی اور ترک فوجیوں کی غیر قانونی موجودگی کی بنیادی وجہ شام میں افراتفری کو طول دینا ہے۔ اقوام متحدہ میں شام کے مستقل نمائندے بسام صباغ نے کہا ہے کہ شام کی سرزمین پر اسرائیل کی جارحیت، دہشت گرد گروہوں کے جرائم اور شام میں امریکی و ترک افواج کی غیر قانونی موجودگی کا مقصد افراتفری کو جاری رکھنا اور شام کے مسئلے کے سیاسی حل کا راستہ روکنا ہے۔ انہوں نے اقوام متحدہ کی سلامتی کونسل کے اجلاس میں کہا کہ شام کو افسوس ہے کہ سلامتی کونسل دمشق کے بین الاقوامی ہوائی اڈے پر اسرائیل کے حملے کی مذمت نہیں کرسکتا۔ یہ اس حقیقت پر بھی افسوس کا اظہار ہے کہ کچھ ممالک سلامتی کونسل کو اس جارحیت کی مذمت کرنے سے روک رہے ہیں، ایسے بہانوں سے جو کہ اسرائیل کے حق میں ان کے اندھے تعصب کو واضح طور پر ظاہر کرتے ہیں۔ صباغ نے مزید کہا کہ اقوام متحدہ کی سلامتی کونسل کی اپنی ذمہ داریاں پوری کرنے میں ناکامی پر اقوام متحدہ کے رکن ممالک کو یہ محسوس ہوتا ہے کہ وہ بین الاقوامی قانون اور اپنے حقوق کے لئے سلامتی کونسل پر بھروسہ نہیں کرسکتے۔
