اسرائیل غزہ میں دس لاکھ فلسطینیوں کو بھوک سے مارنا چاہتا ہے، فلسیطینی وزیر خارجہ

غزہ : اسرائیل غزہ میں دس لاکھ فلسطینیوں کو بھوک سے مارنا چاہتا ہے۔فلسیطینی وزیرخارجہ نے غزہ میں فوری غذائی امداد کو ناگزیر قرار دے دیا۔ فلسطینی وزیر خارجہ نے عالمی برادری سے اپیل کی ہے کہ غزہ میں انسانی بنیادوں پر امداد کی فراہمی یقینی بنائی جائے۔ ریاض المالکی کا کہنا تھا کہ غزہ میں لاکھوں فلسطینی بھوک سے بے حال ہیں۔ اسرائیل نے غزہ میں خوراک کی فراہمی ناممکن بنادی ہے جس سے بمباری سے زائد اموات کا خدشہ ہے۔عالمی ادارہ خوراک کی اپیل بھی نظر انداز کردی گئی ہے ایسا لگتا ہے کہ فلسطینیوں کے قتل عام کی اسرائیل کو خاموش چھٹی دی جاچکی ہے۔غزہ میں روز سیکڑوں بچے ،خواتین اور بزرگ اسرائیل کے جنگی جنون کا شکار ہورہے ہیں۔عالمی برادری کو عملی اقدام کرنا ہوگا۔کہیں ایسا نہ ہو کہ غزہ میں اموات ہزاروں سے بڑھ کر لاکھوں تک پہنچ جائے۔