Raza Musani 
دمشق: شام اور اسرائیل کے درمیان سکیورٹی معاہدہ کیلئے ہونیوالے مذاکرات آخری لمحات پر تعطل کا شکار ہوگئے۔
رپورٹ کے مطابق مذاکرات اس وقت تعطل کاشکار ہوئے جب اسرائیل نے آخری لمحات میں جنوبی صوبے سویدا میں ایک انسانی راہداری کھولنے کی شرط رکھ دی۔ تجویز کے تحت سویدا میں ایک غیر فوجی زون قائم کرنے کی بات کی گئی تھی جس میں دروز برادری کی حفاظت اور مقامی سیکورٹی سے متعلق شقیں شامل تھیں۔ تاہم شامی حکومت کے نزدیک یہ شقیں قابل قبول نہیں تھیں۔اسی وجہ سے بات چیت منقطع ہوگئی اور مذاکرات کسی نتیجے پر نہ پہنچ سکے۔ دمشق نے اسرائیلی مطالبات کو اپنی خودمختاری کے منافی اور اسرائیلی توسیع پسندی کا حصہ قرار دیا۔ دمشق کا کہنا ہے کہ اسرائیل سیکورٹی کا بہانہ بنا کر علاقائی کنٹرول بڑھانا چاہتا ہے۔
