Raza Musani 
سو سے زائد امدادی گروپوں نے غزہ میں بڑھتی ہوئی بھوک کے سبب اسرائیل پر زور دیا ہےکہ وہ غزہ میں امداد کو ہتھیار بنانا بند کرے۔
ڈاکٹرز ود آؤٹ بارڈرز( ایم ایس ایف) آکسفم اور دوسرے امدادی اداروں نے مشترکہ بیان میں اسرائیل پر زندگی بچانے والی امداد کو غزہ میں داخلے سے روکنے کا الزام لگایا ہے، جس کے نتیجے میں امدادی سامان کی بڑی مقدار اردن اور مصر کے گوداموں میں پھنسی ہوئی ہے جبکہ فلسطینی بھوک سے مر رہے ہیں۔ بیان میں کہا گیاہےکہ انہیں بتایا جا رہا ہے کہ انہیں اس وقت تک امداد فراہم کرنے کی اجازت نہیں ملے گی جب تک وہ سخت اسرائیلی ضوابط کی تعمیل نہیں کریں گے۔
بیان میں کہا گیاہےکہ اگر گروپوں نے اسرائیل کو غیر قانونی قرار دیا یا فلسطینی عملے کی تفصیلی معلومات فراہم نہیں کی تو ان پر پابندی لگادی جائے گی۔ بیان میں کہاگیا ہے کہ بیشتر بڑی بین الاقوامی غیر سرکاری تنظیمیں (این جی اوز) دو مارچ سے امدادی سامان کا ایک بھی ٹرک پہنچانے میں ناکام رہی ہیں۔
