Raza Musani 
غزہ: اسرائیل نے امریکی صدر ٹرمپ کا غزہ پر بمباری روکنے کا مطالبہ مسترد کردیا۔ تازہ ترین حملوں میں مزید بتیس فلسطینی شہید کردئے گئے۔
اسرائیلی جنگی طیاروں نے غزہ سٹی کے مختلف علاقوں پر پانچ شدید فضائی حملے کیے ہیں، جن کے ساتھ ڈرونز کی گھن گرج نے شہر کا ماحول خوفناک بنا دیا۔
الشرق بیکری کے قریب ڈرون نے شہریوں کے گروہ کو نشانہ بنایا جس میں کئی شہادتیں ہوئیں۔ گزشتہ 24 گھنٹوں کے دوران اسپتالوں میں پچاسی شہداء کی لاشیں اور تین سو سے زائد زخمی پہنچائے گئے۔ چھ فلسطینی اس وقت جاں بحق ہوئے جب وہ امدادی سامان حاصل کرنے کی کوشش کر رہے تھے، جبکہ 40 سے زائد زخمی ہوئے۔ رات گئے مغربی غزہ میں نشانہ بنائے گئے ایک گھر کے ملبے سے پانچ فلسطینیوں کی لاشیں نکالی گئی ہیں۔
ادھر اسرائیل نے فلوٹیلا سے حراست میں لئے گئے رضاکاروں کو بیدخل کرنا شروع کردیا ہے۔ چار اطالوی باشندوں کو ڈیپورٹ کردیا گیا ہے۔ دیگر کو بھی ڈیپورٹ کرنے کی تیاری کی جارہی ہیں۔
