اسرائیل بڑے پیمانے پر قتل عام کی تیاری کررہا ہے، انروا چیف

جنیوا : اقوام متحدہ کی امدادی ایجنسی انروا کے سربراہ فلپ لازارینی نے کہاہے کہ اسرائیل غزہ سٹی میں فلسطینی شہریوں کے بڑے پیمانے پر قتل عام کی منصوبہ بندی کر رہا ہے۔ فلپ لازارینی نے کہا کہ غزہ سٹی اور شمالی علاقوں میں دو لاکھ پچاس ہزار فلسطینی پھنسے ہوئے ہیں۔ انہیں دہشت گرد یا دہشت گردی کے حامی قرار دینا ممکنہ طور پر ان کے قتل عام کا احاطہ کرتا ہے۔فلپ لازارینی نے اسرائیلی اعلان کو خطرناک اشارہ قرار دیتے ہوئے کہا کہ جو خواتین، بچے اور بزرگ غزہ سٹی سے نہیں نکل سکتے انہیں نشانہ بنایا جائیگا۔ انہوں نے کہاکہ کسی کے پاس عام شہریوں کو مارنے کا لائسنس نہیں ہے۔ غزہ میں جاری بین الاقوامی جرائم کو واضح طور پر برداشت نہیں کیا جا سکتا۔ مزید بے عملی اس میں مزید پیچیدگیوں کا باعث بنے گی.