اسرائیل آگ سے کھیل رہا ہے، میزائل حملوں پر شام کا شدید ردعمل

دمشق: شام کے وزیرخارجہ فیصل المقداد نے کہا ہے کہ اسرائیل علاقائی سلامتی کو خطرے میں ڈال رہاہے۔ وہ آگ سے کھیل رہا ہے اور خطے میں عسکری اور سلامتی کی صورتحال دھماکا خیز بنارہا ہے۔حلب کےبین الاقوامی ہوائی اڈے پرحملوں کے ردعمل میں فیصل المقدادنے کہا کہ شام ہر بار اسرائیلی حملوں پر خاموش نہیں رہے گا اور اسرائیلیوں کوجلد یا بدیر اس کی قیمت چکانا پڑے گی۔ اسرائیل نے حالیہ برسوں میں شام میں متعدد فضائی حملے کیے ہیں۔