Raza Musani 
غزہ: اسرائیل نے غزہ میں جنگ بندی پر عملدرآمد کل تک مؤخر کردیا۔ اسرائیل کا کہنا ہے کہ غزہ کی پٹی میں لڑائی کو روکا نہیں جائے گا، اور وہ فلسطینی مزاحمتی تحریک حماس کے ساتھ چار روزہ جنگ بندی پر رضامندی کے باوجود محصور علاقے پر بمباری جاری رکھے ہوئے ہے۔
ایک نامعلوم اسرائیلی اہلکار نے جمعرات کو علی الصبح اے ایف پی کو بتایا کہ عارضی جنگ بندی اور قیدیوں کی منصوبہ بند رہائی میں تاخیر ہوئی ہے اور جمعے سے قبل نافذ العمل نہیں ہوگی۔
اسرائیلی مشیر برائے قومی سلامتی نے مزید کہا کہ حماس اور اسرائیل کے درمیان قیدیوں کی رہائی کا آغاز اصل معاہدے کے مطابق ہوگا۔ جنگ میں وقفے میں ایک روز کی تاخیر کا فیصلہ اسرائیل، قطر، مصر اور امریکا نے مل کر کیا ہے۔
