Raza Musani 
دوحہ : قطر کی وزارت خارجہ کے ترجمان ماجد الانصاری نے کہا ہےکہ جنگ بندی تجاویز پر اسرائیل نے اب تک اپنا جواب نہیں دیا ہے۔
اسرائیل جان لےکہ جارحیت کے بڑھنے سے کچھ اچھا برآمد نہیں ہو سکتا۔ قطری ترجمان نے کہا کہ ہم جنگ بندی معاہدے کے لیے تمام فریقوں کے ساتھ رابطے میں ہیں، لیکن اسرائیل کی طرف سے کوئی سرکاری ردعمل نہیں ہے۔ نہ ہی قبولیت، مسترد، اور نہ ہی کوئی متبادل تجویز پیش کی گئی ہے۔
انہوں نے ثالثی کی کوششوں کو جاری رکھنے کے عزم کا اعادہ کرتے ہوئے کہا کہ مصر یا قطر کو اس سے کوئی فرق نہیں پڑتا کہ مذاکرات کہاں ہوتے ہیں۔ انہوں نے کہا کہ حماس نے جس چیز پر اتفاق کیا وہ وہی ہے جس پر اسرائیل پہلے ہی راضی ہو چکا ہے۔ گیند اب اسرائیل کے کورٹ میں ہے ایسا لگتا ہے کہ اسرائیل کسی معاہدے تک نہیں پہنچنا چاہتا اور نہ ہی اس تجویز کا جواب دینا چاہتا ہے۔ انہوں نے عالمی برادری سے مطالبہ کیا کہ وہ غزہ میں جنگ بندی کے معاہدے تک پہنچنے کے لیے اسرائیل پر دباؤ ڈالے۔
