Raza Musani 
تل ابیب : اسرائیلی وزیر خزانہ بیزالیل اسموٹرچ نے القدس کےقریب چونتیس سو رہائشی یونٹوں کی منظوری دے دی۔ انہوں نے کہا کہ آباد کاری کے توسیعی منصوبے فلسطینی ریاست کے تصور کو دفن کر دیں گے۔ بیت المقدس کے جنوبی اور شمالی حصوں کو ایک دوسرے سے جدا کرنیوالے تذویراتی علاقے جسے ای ون کہا جاتا ہے میں نئے رہائشی منصوبے کی منظوری دی گئی ہے۔
اسمورٹریچ کے منصوبے کا مقصد معالیہ ادومیم کو یروشلم کے ساتھ جوڑنا اور رام اللہ اور بیت المقدس کے درمیان فلسطینی تحریک کو منقطع کرنا ہے۔ اسموٹرچ نے کہا کہ کئی دہائیوں کے بین الاقوامی دباؤ اور جمود کے بعد ہم معاہدوں کو توڑ رہے ہیں اور معالیہ ادوم کو یروشلم سے جوڑ رہے ہیں۔ انہوں نے کہا کہ ای ون علاقے میں تعمیراتی منصوبے فلسطینی ریاست کے تصور کو منسوخ کر دیتے ہیں اور بنیادی طور پر ان تمام علاقائی تسلسل کو تباہ کر دیں گے جو مستقبل کی فلسطینی ریاست کے لیے ضروری ہیں۔
