Raza Musani 
تہران : ایران میں دفاع مقدس کی سالانہ پریڈ کے موقع پر سپاہ پاسداران انقلاب اسلامی کی ایرو اسپیس فورس نے پہلی بار زمین سے زمین پر مار کرنے والے بیلسٹک میزائل رضوان کی رونمائی کی ہے۔ مائع ایندھن سے چلنے والا یہ سنگل اسٹیج میزائل 14 سو کلومیٹر تک مار کرسکتا ہے اور اس پر نصب وار ہیڈ اس سے جدا ہوجاتا ہے۔مسلح افواج کے سربراہ میجر جنرل محمد باقری نے، دفاع مقدس کی پریڈ سے خطاب کرتے ہوئے کہا کہ ملکی تاریخ میں، دفاع مقدس کا دور قوم کی تجدید حیات کا نقطہ آغاز ہے ۔ دفاع مقدس نے ایرانی قوم کو طاقت کے عالمی توازن اور ڈھانچے کی تبدیلی میں اپنا کردار ادا کرنے کے قابل بنا دیا ہے۔
