Raza Musani 
تہران : اسرائیل کے خلاف جنگ میں ایران نے بڑی فتح حاصل کرلی اور امریکا اور صیہونی حکومت جنگ بندی پرمجبور ہوگئے۔ جس کے بعد دونوں ممالک نے ایک دوسرے پر بارہ روز سے جاری حملے روک دئے۔
قطر میں امریکی بیس پر حملے کے بعد امریکی صدر ٹرمپ نے جنگ بندی کا اعلان کیا۔ ٹرمپ اور ان کی کابینہ کے افراد جوابی کارروائی پر ایران کو تباہ کرنے اور نظام الٹنے کی دھمکیاں دے رہے تھے لیکن ایران نے میزائل داغے تو ان کے دماغ ٹھکانے آگئے۔ امریکا اور اسرائیل کے دونوں اہداف ناکام ہوگئے۔ امریکی صدر ڈونلڈ ٹرمپ نے حملے کے بعد ٹوئٹ کیا کہ دونوں ممالک جنگ بندی معاہدے پر متفق ہوگئے ہیں۔ یہ جنگ برسوں جاری رہ سکتی تھی جو پورے مشرق وسطیٰ کو تباہ کرسکتی تھی۔ مگر ایسا نہ ہوا، اور نہ ہی ہو گا۔ ٹرمپ نے کہا کہ جنگ بندی کے دوران دونوں فریقین پرامن اور باعزت رویہ اختیار کریں گے۔ انہوں نے جنگ بندی میں کردار ادا کرنے پر امیر قطر کا شکریہ ادا کیا۔
امریکی میڈیا کے مطابق جنگ بندی میں امیر قطرنے مرکزی کردار ادا کیا انہوں نے امریکا اور اسرائیل کا پیغام ایران کو پہنچایا۔ ایران نے جواب دیا کہ اسرائیل نے جارحیت کا آغاز کیا تھا وہ حملے روک دے تو ایران بھی ایسا ہی کرے گا۔
