ایران کا سب سے بڑا حملہ، عمارتیں تباہ، 200 سے زائد اسرائیلی زخمی

تہران: ایران نے اسرائیل پر اب تک کا سب سے بڑا حملہ کیا ہے جس میں بڑے پیمانے پر نقصان ہوا اور 200 سے زائد اسرائیلی زخمی ہوگئے۔ ایران نے اسرائیلی فوج کے کمانڈ اینڈ انٹیلی جنس ہیڈکوارٹرز۔ فوجی انٹیلی جنس کیمپ اور اسٹاک ایکس چینج کو نشانہ بنایا جس سے تینوں مقامات کو شدید نقصان پہنچا۔
میزائل حملے میں تل ابیب میں کئی عمارتیں تباہ ہوگئیں۔ حملوں میں بائیس افراد زخمی ہوگئے۔ ایرانی حملے کے بعد تل ابیب اسٹاک ایکسچینج سمیت دیگر عمارتوں کو خالی کرا لیا گیا۔ حولون شہر میں انٹیلی جنس مرکز پر حملے میں اسپتال کی چھت گرگئی۔
ایران نے جنوبی اسرائیل کے شہر بیئرشیوا کو بھی نشانہ بنایا جہاں گیو یام ٹیکنالوجی پارک میں فوجی انٹیلی جنس تنصیب میزائلوں کا ہدف تھی۔
اسرائیل پرحملوں کی نئی لہر میں ایران نے سجیل اور فتاح ون ہائیپرسونک میزائل بھی استعمال کئے۔
اس سے پہلے اسرائیل نے اپنے تازہ حملوں میں ایران کے انٹر سیکورٹی ایجنسی کے ہیڈ کوارٹر اور آراک شہر میں ایٹمی تنصیب کو نشانہ بنایا۔ اسرائیلی حملوں میں آٹھ افراد شہید اور کئی زخمی ہوگئے۔ایران کا کہنا ہےکہ ایٹمی تنصیب کو پہلے ہی خالی کرالیا گیا تھا جس کی وجہ سے تابکاری کے کوئی خدشات نہیں۔