Raza Musani 
سمرقند : ازبکستان کے دارالحکومت سمر قند میں ایرانی صدر آیت اللہ سید ابراہیم رئیسی اور پاکستانی وزیراعظم شہباز شریف کی ملاقات ہوئی جس میں دونوں رہنماؤں نے باہمی دلچسپی کے امور اور دو طرفہ تعلقات پر بات چیت کی۔ ملاقات کے دوران ایران کے صدر نے پاکستان میں حالیہ سیلاب کی تباہی پر ایک بار پھر گہری ہمدردی اور تعزیت کا اظہار کیا اور لواحقین اور متاثرین کے لئے صبر اور صحت کی دعا کی۔ صدر رئیسی نے تہران اور اسلام آباد کے تعلقات کی اہمیت کو بیان کرتے ہوئے تاکید کی کہ ایران پاکستان کے ساتھ تعلقات کی توسیع کے لئے کوئی حد مقرر نہیں کرتا۔ شہبازشریف نے کہا کہ ان کے ملک میں حالیہ سیلاب کی تباہی موسمیاتی تبدیلیوں کی وجہ سے ہے۔ انہوں نے گرین ہاؤس گیسوں کے اخراج کا سبب بننے والے عوامل سے نمٹنے کے لئے اسلامی جمہوریہ ایران سے مدد اور تعاون کی درخواست کی۔ ملاقات کے دوران دونوں رہنماؤں نے توانائی کے شعبے میں تعاون کا خیرمقدم کیا اور اس شعبے میں حائل رکاوٹوں کو دور کرنے کے لئے ضروری اقدامات پر زور دیا۔ ایران اور پاکستان کے سربراہان نے ان منصوبوں کو آگے بڑھانے اور ان پر عمل درآمد کے لئے دونوں ممالک کے متعلقہ حکام پر مشتمل ایک کمیٹی تشکیل دینے پر اتفاق کیا۔
