توانائی تنصیبات پر حملہ ہوا تو آبنائے ہرمز مکمل بند کردینگے، ایران

تہران: ایرانی پاسداران انقلاب نے خبردار کیا ہےکہ توانائی تنصیبات کو نشانہ بنایا گیا تو ایران آبنائے ہرمز کو مکمل طور پر بند کر دے گا۔ خطے میں توانائی اور پانی کے بنیادی ڈھانچے پر بھی جوابی حملے کیے جائیں گے۔ پاسداران انقلاب نے کہاہےکہ آبنائے ہرمز کو تب تک بند رکھا جائے گا جب تک کہ تباہ شدہ پاور پلانٹس دوبارہ تعمیر نہیں کیے جاتے۔ اسرائیل کی طاقت، توانائی اور آئی سی ٹی کے بنیادی ڈھانچے کو نشانہ بنایا جائے گا۔ بیان میں کہا گیا ہے کہ ایران نے واضح کیا ہے کہ اگر اس کے پاور پلانٹس پر حملہ کیا گیا تو وہ بھی جوابی کارروائی میں اسرائیل اور ان ممالک کی توانائی تنصیبات کو نشانہ بنائے گا جو امریکی اڈوں کو بجلی فراہم کرتے ہیں۔ پاسدارانِ انقلاب کے مطابق ایران ایسے اقتصادی، صنعتی اور توانائی کے ڈھانچوں کو بھی ہدف بنا سکتا ہے جن میں امریکا شراکت دار ہے۔ اسپیکر باقر قالیباف نے امریکی ٹریثری بونڈ خریدنے والی کمپنیز کو وارننگ جاری کردی، اسپیکر ایرانی پارلیمنٹ قالیباف نے کہا کہ امریکی ٹریثری بونڈ ایرانیوں کے خون سے رنگین ہیں، امریکی بونڈز خریدار کمپنیوں کے ہیڈکوارٹر نشانہ ہوں گے۔