ایران نے این پی ٹی سے نکلنے کا بل پارلیمنٹ میں پیش کردیا

تہران: یورپی ممالک کے پابندیوں کو بحال کرنے کے اعلان کے بعد ایران نے جوہری عدم پھیلاؤ کے معاہدے این پی ٹی سے نکلنے کا بل پارلیمنٹ میں پیش کردیا۔ ایرانی پارلیمنٹ کی آرٹیکل نوے کمیٹی کے نائب چیئرمین حسین علی حاجی دلیگانی نے تصدیق کی کہ بل پارلیمنٹ کے ایجنڈے میں شامل کرلیا گیاہے۔ جس کا کھلے اجلاس میں جائزہ لیا جائے گا۔اُنہوں نےکہا کہ یورپی ممالک نے پابندیوں سمیت اسنیپ بیک میکانزم کو پہلے نافذ کر رکھا ہے۔ پابندیوں کی دھمکیاں کوئی بات نہیں ہے۔ حاجی دلیگانی نے کہا کہ ایران کی پارلیمنٹ پابندیوں کے روک تھام کے طریقہ کار کو آگے بڑھانے کے لیے پرعزم ہے۔
ایرانی وزیرِخارجہ عباس عراقچی نے کہا ہے کہ یورپی ممالک کے پاس اسنیپ بیک میکنزم فعال کرنے کی کوئی قانونی بنیاد موجود نہیں۔ ایران اپنے قومی حقوق اور مفادات کے تحفظ کے لیے مناسب ردعمل دے گا۔
روس اور چین نے بھی پابندیوں کی بحالی کے ناقابل تلافی نتائج سے خبردار کردیا۔