ایران نے برطانیہ، فرانس اور جرمنی سے اپنے سفیر واپس بلا لئے

تہران : ایران نے سلامتی کونسل میں پابندیاں مؤخر کرنے کی درخواست مسترد ہونے پر برطانیہ، فرانس اور جرمنی سے اپنے سفیروں کو مشاورت کے لیے واپس بلا لیا ہے۔ امریکہ اور اس کے اتحادیوں نے ایران پر پابندیوں کو چھ ماہ کیلئے موخر کرنے کی سلامتی کونسل کی قرارداد کو مسترد کردیا تھا۔ چین، روس، الجزائر اور پاکستان نے قرارداد کی حمایت کی تھی جبکہ جنوبی کوریا اور گیانا نے غیر جانبداری اختیار کی۔ قرارداد مسترد ہونے کے بعد آج سے ایران پر تمام سابقہ پابندیاں بحال ہوجائیں گی۔ ایران نے یورپی ممالک کے اقدام پر سخت ردعمل دیا ہے اور جرمنی، فرانس اور برطانیہ میں تعینات کو فوری طور پر تہران طلب کرلیا ہے۔
ماہرین کے مطابق اس فیصلے سے ایران اور یورپی ممالک کے تعلقات مزید کشیدہ ہوں گے جبکہ ایران کی معیشت اور کرنسی مزید دباؤ کا شکار ہوگی۔ جس سے خطے میں عدم استحکام کے خدشات مزید بڑھ گئے ہیں۔