Raza Musani 
تہران : ایران نے افغان عہدیدار کی جانب سے قومی ترانے کی بے حرمتی پر سفارت خانے کے قائم سربراہ کو طلب کرکے احتجاج کیا گیا۔ تہران میں اسلامی اتحادی کانفرنس کے موقع پر افغان عہدیدار ایرانی قومی ترانہ پر کھڑا نہیں ہوا تاہم افغان وفد نے اس پر معذرت کی۔افغان عہدیدار نے کہا کہ وہ اس لیے کھڑے نہیں ہوئے تھے کیونکہ طالبان نے عوامی سطح پر موسیقی پر پابندی عائد کردی ہے۔ایران کی وزارت خارجہ نے بیان میں کہا کہ افغان عہدیدار کی جانب سے کیے گئے غیر روایتی اور ناقابل قبول اقدام کے بعد شدید احتجاج کیا گیا ہے۔بیان میں کہا گیا کہ اسلامی اتحادی کانفرنس میں کابل کے نمائندے نے اسلامی جمہوریہ ایران کے قومی ترانے کی بے حرمتی کی تھی اور اس اقدام کی بھرپور مذمت کی اور اس سے سفارتی آداب کے خلاف قرار دیا۔رپورٹ کے مطابق کانفرنس میں جب ایران کا قومی ترانہ بجایا گیا تو افغان عہدیدار بدستور پر کرسی پر براجمان رہے۔ایرانی وزارت خارجہ نے کہا کہ مہمان ملک کے قومی نشانات کے احترام کے ساتھ ساتھ عالمی سطح پر تسلیم شدہ ممالک کے قومی ترانے کا احترام بھی تسلیم شدہ روایت ہے۔
