ایران اسرائیل جنگ مزید بڑھی تو کسی کے قابو میں نہیں رہے گی، انتونیو گوتریس

نیویارک: اقوام متحدہ کے سیکریٹری جنرل انتونیو گوئتریس نے ایران اور اسرائیل کے درمیان فوری جنگ بندی کا مطالبہ کردیا۔
سلامتی کونسل کے اجلاس سے خطاب میں سیکریٹری جنرل اقوام متحدہ انتونیو گوتریس نے کہا کہ ایران بار بار کہہ چکا ہے کہ وہ ایٹمی ہتھیار نہیں بنا رہا ہے۔ کشیدگی کا حل صرف سفارت کاری میں ہے۔ غزہ میں بھی صورت حال تشویش ناک ہے۔ انہوں نے ایران میں ایٹمی تنصیبات اور عوامی مراکز پر حملے کیے گئے۔ عوامی مقامات اور طبی مراکز پر حملے عالمی قوانین کے خلاف ہیں، دونوں طرف سے حملوں میں سینکڑوں افراد متاثر ہوئے۔ انھوں نے مزید کہا کہ ایران اور اسرائیل کے درمیان کشیدگی کو اب مزید بڑھنے نہیں دیا جاسکتا۔ فوری جنگ بندی وقت کی ضرورت ہے۔