Raza Musani 
تہران: ایران نے سیاحت کے فروغ کیلئے اہم قدم اٹھاتے ہوئے 32 ممالک کیلئے ویزے کی شرط ختم کردی۔ رپورٹ کے مطابق ایرانی وزیر سیاحت ضرغامی نے کابینہ کے اجلاس کے بعد صحافیوں سے بات کرتے ہوئے کہا کہ ثقافتی ورثہ، سیاحت اور دستکاری کی وزارت نے 32 ممالک کے لیے ویزا کی شرط ختم کرنے کی تجویز دی تھی اور ایرانی کابینہ نے اس فیصلے کی منظوری دے دی ہے۔ کیونکہ حکومت کا مقصد دنیا کو ایران میں خوش آمدید کہنا اور عالمی برادری کے ساتھ بات چیت کرنا ہے۔ انہوں نے مزید کہا کہ ایران ایرانو فوبیا کے منصوبوں کو ناکام بنائے گا اور ویزا کی شرط کو ختم کرنے سے زیادہ غیر ملکی سیاحوں کو راغب کرنے کی امید ہے۔ تازہ ترین اعداد و شمار کے مطابق رواں ایرانی سال کے پہلے آٹھ مہینوں کے دوران ایران میں غیر ملکی سیاحوں کی آمد کی تعداد 44 لاکھ تک پہنچ گئی۔ جن ممالک کو حکومت نے یکطرفہ ویزا ختم کرنے کی منظوری دی ہے ان میں ہندوستان ۔روس ۔متحدہ عرب امارات۔ بحرین۔ سعودی عرب۔ قطر۔ کویت۔ لبنان۔ازبکستان ۔ انڈونیشیا۔ برونائی۔ کمبوڈیا، ملائیشیا شامل ہیں۔
