جنگ میں ایران نے اسرائیل کو بڑی مار لگائی، ٹرمپ کا اعتراف

دی ہیگ : امریکا کے جنگی جنونی صدر ڈونلڈ ٹرمپ نے اعتراف کیا ہے کہ جنگ میں ایران نے اسرائیل کو بڑی مار لگائی ہے۔ ایران بڑی بہادری سے لڑا اور اس کے میزائلوں نے اسرائیل کے اندر تباہی پھیر دی۔ آخری دو دنوں میں اسرائیل کو بہت زیادہ مار لگی ہے۔ امریکی صدر نے کہا کہ جنگ بندی ایران کے لیے بھی فتح ہے۔ ان کا ملک بچ گیا۔ جنگ کسی مسئلے کا حل نہیں، ہیروشیما اور ناگاساکی کی مثال نہیں دینا چاہتا لیکن ہیروشیما، ناگاساکی پر بم گرانے کے بعد جنگ رکی تھی، ہمارے بم گرانے کے بعد ایران-اسرائیل جنگ رکی ۔ انہوں نے دعویٰ کیا کہ اگلے ہفتے ایران سے مذاکرات میں اگر معاہدہ نہیں ہوا تو بھی انہیں پروا نہیں کیونکہ ایران کا ایٹمی پروگرام تباہ کردیا گیا ہے۔ انہوں نے کہا کہ ایران کا ایٹمی پروگرام دہائیوں پیچھے چلا گیا ہے، وہ بہت عرصے تک بم نہیں بنا سکیں گے۔