ایران اور پاکستان کا کشتی اور آبدوز سازی میں تعاون پر اتفاق

کراچی : اسلامی جمہوریہ ایران اور پاکستان نے کشتی اور آبدوز سازی، مرمت اور دیکھ بھال کے شعبے میں تعاون پر اتفاق کیا ہے۔ ایرانی چیف آف اسٹاف میجر جنرل محمد باقری نے پاک فوج کے اعلی عہدیداروں کے ساتھ کراچی میں کشتیاں اور آبدوز بنانے کے کارخانے کا معائنہ کیا۔ میجر جنرل محمد باقری نے پاک بحریہ کے عہدیداروں سے ملاقات کے دوران کہا کہ خطے کی سیکیورٹی صرف پڑوسیوں کے ہاتھوں ہی مہیا ہو سکتی ہے۔فریقین نے مختلف میدانوں میں ایک دوسرے کے انسانی قوت کو ٹریننگ دینے، بحریہ کے تجربے کی منتقلی، منشیات اور سمندر میں اسمگلنگ کی روک تھام کے راستے میں موجود رکاوٹوں کو دور کرنے پر بھی تبادلہ خیال کیا۔